Nog voor geboorte en reg deur die lewensjare, lewe ons in harmonie met die 40 triljoen bakterieë en ander organismes in ons maag, saamgestel bekend as die maag mikrobiota. Hierdie groot samestelling van mikrobes is soos 'n unieke vingerafdruk waarvan elke persoon sy eie komposisie van besit. 'n Swak dieet, stres, medikasie soos antibiotika en verdowingsmiddels na 'n operasie, en ander faktore soos of jy normaal gebore is of deur ‘n keisernee kan veroorsaak dat 'n geweldige hoeveelheid voordelige bakterieë in jou maag afsterf.

Die bakterieë in jou maag help met die vertering van voedsel, reguleer ons immuniteitstelsel, en beskerm teen die skadelike bakterieë wat siektes veroorsaak, en produseer ook vitamiene. Om die maag gesond te hou deur goeie dieet keuses te maak is noodsaaklik vir die beheer van ‘n seer maag met simptome soos opblasing, krampe, oormatige wind, hardlywigheid, diarree, en ‘n gevoel van traagheid.

1. Fokus op Vesel
   Dit is wel bekend dat ons maag vesel nodig het om dit gesond te hou. Oplosbare vesel, gevind in hawermout, hawersemels, lemoene, piesangs, appels, wortels, aarbeie, en peulgewasse soos bone, lensies en gesplete ertjies, dien amper soos 'n mop en help om die vloeistof in die maag te absorbeer. Dit help om 'n sagte, jellierige mengsel te vorm wat help om die ontlasting deur die derm te vervoer. Die ander tipe vesel is 'n onoplosbare vesel, bekend as ruvoer, 'n tipe vesel wat nie in water oplos nie. Dit is soos 'n besem wat stewig regdeur die lengte van die derm vee om ontslae te raak van die afvalstowwe, en word natuurlik gevind in volgraan (bv volgraan pasta, semels, bruin en wilde rys, mielies, hawer), neute en sade.
   
   
2. Hallo Hidrasie
   Terwyl jy jou vesel inname vermeerder, onthou om ook meer vloeistowwe te drink. Veral in die maag is water nodig om voedingstowwe te vervoer en afvalstowwe te verwyder deur die urienestelsel en gereelde dermbewegings. Stil en vonkelende water kan albei bydra tot jou daaglikse water kwota, so ook kan kruie- of Rooibostee (sonder melk en suiker) en warm water, met of sonder 'n druppel suurlemoen sap. Water kan ook gegeur word met vars vrugte (bv opgesnyde appels, verskeie bessies, lemoen skyfies), kruie (kruisement, basiliekruid, roosmaryn). Jy kan ook tuisgemaakde ystee maak deur vier kaffeïenvrye teesakkies soos Rooibos in 1L warm water te week. Wanneer dit afgekoel het, verwyder die tee sakkies en gooi enige van die bogenoemde vrugte in en bedien as 'n drankie of gooi in yslollie-bakkies vir 'n verfrissende somers nagereg. En vir die tegnovaardige outjies, kan jy 'n water herinnering-toepassing aflaai op jou slimfoon om jou te help om gesonder waterdrink-gewoontes aan te leer.
   
   
3. Die Immuunstelsel
   Soms word die liggaam se natuurlike herstelprosess uitgeput. 'n Swak dieet speel 'n groot rol: oormatige alkohol, rook, te veel verfynde en geproseseerde kosse en transvette, en te min vrugte en groente. Dit dra alles by tot sellulêre en DNS skade wat kan lei tot ‘n swak immuniteitstelsel en jou kwesbaar maak vir gevare soos hartsiektes, tipe 2 diabete, kanker, asook plooie, veroudering, en geheue verlies.

Dis ongelooflik om te dink dat 65% van ons immuniteitstelsel word in die maag gevind (Mayer et al, 2012). Dit wil sê dat 'n gesonde maag help om ons immuniteitstelsel in tip-top vorm te hou. Anti-oksidante is die tipe voeding wat kan help met die bevordering van die immuniteitstelsel. Duisende bestandele kan optree as anti-oksidante soos quercetin (bv appels, rooibosbessie, uie, blaarslaai, broccoli, tamatie, olyf olie), catechins (bv tee), flavones (bv seldery, pietersielie), antosianiene (bv kersies, frambose, bessies, druiwe), resveratrol (bv rooi druiwe, rooi wyn), lignans (bv gars, granaatjie, lynsaad), tanniene ( bv peulgewasse en groenblaar groente), phytoestrogens (bv soja), en luteïen en zeaxanthin (bv eiers)

Die FitChef Verskil
Hier is die hoofredes hoekom FitChef 'n wenner is vir maag-gesondheid:

• Skop jou dag af met ‘n vesel-hoë FitChef ontbyt soos Luukse hawermout met rooibosbessies, cashew, & Appel Kaneel en geroosterde graan vlokkies.
• Verfynde stylsel is uit by FitChef en ons gebruik net hoë vesel en volgraan stysel soos bruin rys, volgraan pasta, quinoa, hawer en semels. Maaltye soos Spaanse Hoender en Quinoa, Mediterreense Hoender met geroosterde Groente en Bruin Basmati Rys en Hoender Warmpot met Quinoa en Gemengde Groente.
• Die FitChef vegetariese maaltye bevat super hoë vesel peulgewasse soos bone, kekertjies en lensies. Probeer die Rooi Nier Boontjie Ghoelasj met Pampoen & Spinasie, Kekertjies Potjie met Gemengde Groente of Lensies en Tamatie Bredie & Soet Patats Mash.
• Loer rond in die FitChef spens vir ons verskeidenheid van kruie- en groentee om jou te help om te hidreer. Dien warm of koel op vir 'n verfrissende somers drankie.
• Groente is gewaarborg in alle FitChef maaltye. FitChef sop is vol van vars groente, versap of met groter sukke in, en groente soos spinasie, wortels, seldery, botterskorsie en beet word skelm in die FitChef smoothies in gemeng, en daar is beet in ons baie gewilde FitChef Beetroot Brownie.
• FitChef smoothies en immuun-versterkende “shots’’ is gemaak uit 'n verskeidenheid van anti-oksidante wat in vars vrugte soos appels, piesangs, bloubessies, aarbeie, lemoene, en pynappel voorkom. FitChef smoothies is ook vesel-ryk want ons meng alle eetbare dele van vrugte en groente, soos die vel, pitte en saad. Die hele vars vrug word gekap in blokkies en gemeng met ander natuurlike bestandele om te verseker ons smoothies behou soveel voeding en vesel moontlik - 'n dubbele wen vir maag gesondheid.
• Vir 'n gesonde happie, probeer die Pine Nibbles 30g, Amazeballs Cranberry en FitChef Goji Berry Bar om die anti-oksidante op te kikker.
• Het jy geweet wanneer jy groot volumes eet tydens maaltye sal dit ekstra druk plaas op die verteringstelsel wat jou maag gesondheid kan affekteer? Vir hierdie rede is FitChef se maaltye in porsie beheerde maaltye verpak vir 'n maklike manier om 'n gesonde maag te beheer, asook die FitChef happies.

Verwysings

1. Collado MC, Rautava S, Aakko J, Isolauri E, Salminen S. Human gut colonisation may be initiated in utero by distinct microbial communities in the placenta and amniotic fluid. Scientific Reports. 2016; 6:1-13.
2. Klinder A et al. Impact of increasing fruit and vegetables and flavonoid intake on the human gut microbiota. Food and Function, 2016;4 (7):788-1796. Beskikbaar by: https://pubs.rsc.org/en/content/articlelanding/2016/fo/c5fo01096a/unauth/.
3. Oriach CS. Robertson RC, Stanton C, Cryan JF, Dinan TG. Food for thought: The role of nutrition in the microbiota-gut-brain axis. Clinical Nutrition Experimental. 2016;6:25-38.
4. Sender R, Fuchs S, Milo R. Revised Estimates for the Number of Human and Bacteria Cells in the Body. PLoS Biol. 2016;14(8).
5. Shahidi F, Ambigaipalan P. Phenolics and polyphenolics in foods, beverages and spices: Antioxidant activity and health effects – A review. Journal of Functional Foods. 215; 18:820–897.